Ul Spazacà – Il Sottotetto
Un dì da malincunia sun rigurdoo i me vec E l’ anima l’è ‘ndada vers el ciel, propi sòta ‘l tec.Forsi ma sun sintì stremì da quel spuel E ghe sun andai drè, propri me ‘n fiuèl! Pensavi al mè…
La Pesa – La Bilancia
LA PESA Mi sun cume ‘na Un dì a sun cuntent Un alter mez in gesa Capisi no sto umur Che ‘l va su e giò Cum’el fà l’ascensur. Se sun magari allegre Quai facia de gat Me fa diventà…
La Balurda – La Corriera
Ociu… Ociu… Ociuuuu… Ociuu! Ociu… Ociu… Ociuuuuuuuuuuu! Pan e quagiada, voia la scudela Baretin e fò da cà cul baì sot sela. Celesta dinanzi, negra da drè, frecas de mutur, udur de fumè la riva maestusa semp’in urari par i…
La parola
Guardavi fora di me ugiun
setà giò in del cadregun
vunch i man, patacà i cavei
spurca la tuvaia, i vistì anca quei.
setà giò in del cadregun
vunch i man, patacà i cavei
spurca la tuvaia, i vistì anca quei.
Seri là ke strafuiavi pian
la boca impienida cunt i man
però ul patèl l’è net e bèl such
capisi no parchè me guardan tuch,
ul mè pà, la nona, ul me fradel
ancha ul gat l’è lì a fa spuel
che el me guarda da sot in su
speciandu quel che mangi pù.
L’è un bèl vif in questa cà
con tanti besti che stan chi tacà
la vaca, ‘l vedel, ‘l cunili, l’asnin
ul gal, la galina e i so pùrasin,
tùc fan vers, chi boia chi nitris
chi brùgia, chi mogna e sa capis
sa g’han fam ,set, o vòran cunsili,
l’unic k’el tas a l’è ‘l cunili.
Anca mi sun mia vùn che tas
quand me gira fo un bel frecas
se go fam, set o sun trop quatà,
o magari el patel el s’è pitùrà,
ma el burdel pùse gros in lura
el fasevi quando gavevi pagùra
de cusè el so no, regordi dumà
che sentivi el bisògn de caragnà.
Regordi quela volta in del cadregun
ke m’era ciapà na gran agitaziun
parchè savevi no, mi là tùt vunch
ke l’era in stala, l’era dré munch,
el nonu m’ha catà su, ma l’era brùt
i man che grata, quei dul magùt
la barba lunga, quela ca spunch
e mi par ripica l’ho lasà vunch.
